Милан Ристовски двоен стрелец за Спартак Трнава

Македонскиот интернационалец Милан Ристовски беше двоен стрелец за Спартак Трнава во триумфот од 3-0 над новиот словачки првак Слован Братислава. Тој двапати реализираше од белата точка на овој меч.

Ристовски со првиот погодок од 11 метри го доведе Спартак Трнава во водство во 21.минута. Во финишот, Ристовски уште еднаш стрелаше во 84.минута, повторно од белата точка.

Спартак Трнава се наоѓа на третото место на табелата и е на добар пат да обезбеди пласман во Лигата на Европа.