Многу ѕвезди ова лето отидоа во Саудиска Арабија, откако прв пазарот го отвори Кристијано Роналдо. Сега се таму и Бензема, Мане и Нејмар.
Европа полека го губи приматот, а финансиите го имаат главниот збор.
Од друга страна, и Меси замина далеку од Европа, но одлучи да го продолжи фудбалскиот пат во МЛС лигата.
Уште една ѕвезда го напушта европскиот фудбал, но играчката кариера ќе ја продолжи во Катар, поточно во Ал Араби.
Станува збор за Марко Верати за кој се тврдеше дека има договор со Ал-Хилал, но дека чека понуда и од Европа. На крајот, тој ќе замине во Катар за 45 милиони евра.
