Фудбалерот на Ливерпул, Тиjаго Алкантара, ќе ги пропушти следните два натпревари поради повреда на мускулот што ја заработи на натпреварот против Кристал Палас во Премиер – лигата.
Шпанскиот интернационалец поради повреда сигурно ќе го пропушти натпреварот во Лига купот против Норич во вторник и натпреварот против Брентфорд в сабота во шампионатот.
Алкантара се повреди на саботниот натпревар на „Енфилд“, кој неговиот тим го доби со 3-0.
Трент Александар-Арнолд и Роберто Фирмино исто така ќе го пропуштат утрешниот натпревар од Лига купот.
Александар-Арнолд е болен, а Фирмино, кој ги пропушти претходните три натпревари, има проблеми со повреда на тетивата.
