Фудбалерот на Наполи, Kвича Кварацкелија е прогласен за најдобар играч на сезоната во италијанската Серија А, во која му помогна на својот тим да стигне до првата шампионска титула по 33 години.
Наградата ќе му биде врачена на грузискиот фудбалер во недела, пред почетокот на последниот 38 натпревар меѓу Наполи и Сампдорија.
Кварацкелија дојде во Наполи во јули 2022 година како замена за капитенот Лоренцо Инсиње. Тој има постигнато 14 гола во сите натпреварувања, од кои 12 во Серија А, каде што е најдобар асистент со 10 асистенции.
Шефот на стручниот штаб на Наполи, Лучијано Спалети е избран за најдобар тренер, а и други две награди им припаднаа на фудбалерите на новиот шампион на Италија. Најдобар напаѓач е Виктор Осимен, а најдобар дефанзивец Ким Мин-Јае.
Најдобар млад играч до 23 години е Николо Фаџоли од Јувентус, најдобар голман е Иван Проведел од Лацио, додека играчот на Интер, Николо Барела, е најдобар играч за врска во Серија А.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski