Менаџерот на Манчестер Сити, Пеп Гвардиола го коментираше утрешниот натпревар против Лестер. „Граѓаните“ го пречекуваат претпоследниот тим на табелата на „Итихад“.
„Ако губиме натпревари, губиме натпреварувања. Ова важи и за утре. Ако загубиме, нема да бидеме шампиони. Ако победиме, имаме шанса. Реалноста е дека заостануваме шест бода зад Арсенал, тим кој игра еднаш неделно и ретко губи бодови. Ние сме вториот најконстантен тим во првенството. Не е лошо. Проблемот е што Арсенал засега е неверојатен. Нашите бодови и ефект не се трагедија. Тука сме затоа што направивме многу добри работи, но во спортот едното секогаш е подобро од другото. Мора да го прифатите тоа и да продолжите понатаму“, изјави Пеп Гвардиола.
Тој зборуваше и за новиот менаџер на Лестер, Дин Смит.
„Мило ми е што се врати. Од Џек Грилиш знам дека е исклучителна личност и создава одлична атмосфера. Тоа сега ќе му помогне на Лестер. Тие се во тешка ситуација, но со новиот менаџер ќе дадат се од себе“, изјави Шпанецот.
