Новиот македонски прволигаш Брегалница продолжува активно да учествува на трансфер пазарот. Српскиот напаѓач Милан Ѓокиќ е најновото засилување на штипскиот тим за новата 2021/2022 натпреварувачка сезона.
Тој доаѓа од редовите на суперлигашот од Србија, Бачка Топала.
Ѓокиќ, кој фудбалски потекнува од школата на Спартак Суботица, изминативе три години е со суперлигашко искуство во Србија, настапувајќи во дресовите на Златибор, Спартак Суботица и Бачка Топола. За него Брегалница е прв интернационален предизвик во кариерата.
Претходно Брегалница ги доведе поранешниот бугарски репрезентативец Иван Минчев, кој игра во средниот ред, како и крилниот офанзивец Бобан Георгиев кој пристигна од редовите на Борац Бања Лука. Засилена е и одбраната со македонскиот дефанзивец Даниел Мојсов, повратникот Стефан Коцев и Хрватот Антонио Азиновиќ.
