Македонскиот првак во женски фудбал, ЖФК Љуботен, ја започнува својата европска авантура со дуел против шампионот на Фарските Острови, тимот на Рунавик.
Овој меч претставува идеална можност не само за афирмација на тетовки на меѓународната сцена, туку и за подигнување на угледот на женскиот фудбал во Македонија.
Ако Љуботен успее да го елиминира противникот од Северот, во следната рунда ќе се соочи со победникот од пресметката меѓу бугарската Славија Софија и ерменскиот Пјуник.
Првиот натпревар е закажан за 13 јули, додека вториот е на програмата на 2 август.
