Борусија Дортмунд славеше со 1-0 против Келн со гол во последната минута од натпреварот. Максимилијан Бајер беше стрелец на победничкиот гол за „милионерите“.
До последните мигови, главен актер на мечот беше гостинскиот голман Марвин Швебе, кој одбрани неколку одлични шанси за Борусија во второто полувреме.
Гираси, Нмеча и Рајерсон неколкупати се обидуваа да погодат, но секогаш како победник излегуваше голманот на гостите.
Сепак, во последните моменти Борусија успеа да го скрши отпорот на Келн. Максимилијан Бајер шутираше, топката мина низ многу нозе, а Швебе само ја закачи, но не доволно за да го промени правецот.
Со оваа победа, Борусија стави крај на низата од два натпревари без триумф и сега се наоѓа на третото место на табелата во Бундеслигата.
