Аргентина го слави трофејот на Копа Америка, откако во финалето, по продолженија, ја победи Колумбија со 1-0 со единствениот гол го постигна Лаутаро Мартинез во 112. минута. Но, светот остана згрозен поради организациските пропусти што се случија во Америка, во Мајами, поради кои натпреварот доцнеше речиси час и половина.
Хаосот се создаде поради тоа што голем број навивачи успеаја да влезат на стадионот „Хард Рок“ во Мајами иако немаа билети.
Навивачите успеаја да ги пробијат заштитните огради и голем број од нив влегоа на стадионот без билети. Додека дел од навивачите на стадионот влегоа насилно, се појавија и видеа од луѓе кои влегуваа преку вентилацискиот систем
Со тоа, голем дел од навивачите кои имаа купени билети, платени меѓу 1.600 и 6.000 долари, останаа без место на стадионот.
