Струга Трим Лум максимално се посвети на првенствоти и битката за излез во Европа откако не успеа да избори пласман во финалето на Купот. Тимот на Срѓан Захариевски оствари важен триумф на гости против Борец, со голот на Јасмин Мециновиќ.
„Беше тоа типичен првенствен натпревар каде бодовите беа од голема важност за двете екипи. Во еден таков тврд натпревар каде што немаше многу шанси, успеавме да погодиме и да ги освоиме трите бода кои ќе ни значат во следните натпревари”, изјави Захариевски.
Струга Трим Лум во 27.коло в среда на домашен терен го пречекува Работнички.
