Најтрофејниот македонски фудбалски клуб Вардар се зацврсти на врвот на табелата во Втората лига, откако славеше на гости во Каменица против Саса со 0-3. Дарко Мицевски од пенал го отвори резултатот, а во вториот дел стрелаа и Јаневски и Жоглев.
Пелистер загуби на гостувањето кај Детонит Плачковица со 1-0, а Гостивар само ремизираше без голови против Беласица на домашен терен.
Воска Спорт ја победи Слога Виница со 3-0. Изаир Емини, Бехар Фета и Вахит Мурати беа стрелци за Воска на овој дуел.
Беса го декласира Тетекс со 6-1, а Охрид освои три бода (1-2) на гости против Борец.
Караорман го совлада Аресими со 2-0.
