Ковчегот на Пеле беше донесен од болницата Алберт Ајнштајн во Сао Паоло, на стадионот на Сантос. Поставен е во централниот круг на тревникот на стадионот „Вила Белмиро“.
Навивачите ќе можат да поминат покрај ковчегот на растојание од околу пет метри.
Според најавите, новоизбраниот бразилски претседател Луис Инасио Лула да Силва ќе дојде да му оддаде почит на фудбалскиот великан, чиј ковчег ќе биде изложен 24 часа.
Претседателот на ФИФА, Џани Инфантино, како и видни фудбалски личности од целиот свет, се веќе дел од церемонијата.
Простувањето на Пеле ќе биде во вторник, а погребната поворка ќе помине низ населбата во која сѐ уште живее неговата стогодишна мајка.
