Струга ТЛ договори четири пријателски натпревари на подготовките во Анталија

Актуелниот шампион Струга ТЛ главната фаза од подготовките ќе ја одработи во Анталија од 20 јануари до 3 февруари. Стружани информираа дека се договорени и четири пријателски натпревари.

Противници на Струга ТЛ ќе бидат Оренбург (Русија) на 23 јануари, Арка Гдањск (Полска) на 27 јануари, потоа Черноморец (Украина) на 29 јануари и Лоѓ (Полска) на 2 февруари.

Генералната проверка пред почетокот на пролетниот дел од шампионатот е закажана против Тиквеш на 10 февруари.