Специја го постави Семпличи за нов тренер

Италијанскиот калчолигаш Специја го назначи Леонардо Семпличи за нов тренер. Тој доаѓа на местото на Лука Готи, кој беше отпуштен минатата недела.

Семпличи потпиша договор на шест месеци, а има опција за автоматско продолжување на уште две години доколку тимот се спаси од испаѓање.

Специја освои еден бод на последните пет првенствени натпревари и е два бода над зоната за испаѓање.