Одреден е идеалниот состав на сезоната во Бундес – лигата, а во него се наоѓаат дури шестмина од новиот првак Баер Леверкузен. За ова одлучија гласовите на навивачите (40%), претставниците на клубовите (30%) и фудбалските стручњаци (30%).
Во „дрим-тимот“ се шестмина од новиот шампион Баер Леверкузен. Тоа се Џереми Фримпонг, Јонатан Тах, Алехандро Грималдо, Гранит Џака, Флоријан Вирц и Виктор Бонифејс.
Баерн Минхен го претставуваат само Хари Кејн и Џамал Мусијала, а од Борусија Дортмунд во единаесетмината е голманот Грегор Кобел.
Останатите двајца во изборот се Валдемар Антон и Серу Гираси од Штутгарт.
