Селекторот на Шпанија, Луис де ла Фуенте, го коментираше случајот со ѕвездата на Барселона, Ламин Јамал, кој претходно денес беше ослободен од националниот тим откако се подложи на инвазивна радиочестична процедура, по која треба да мирува од 7 до 10 дена.
Скандалозното е што никој од Шпанската федерација или од стручниот штаб на „Црвената Фурија“ не бил предупреден за тоа.
„Постојат процедури кои се случуваат надвор од Федерацијата и националниот тим. Ова се случи и треба да го прифатам. Сепак, никогаш претходно не сум доживеал ваква ситуација. Не мислам дека е многу нормално. Се разбира, бев изненаден, како и сите други. Немаш информации, не знаеш детали, а одеднаш ти кажуваат дека постои здравствен проблем. Изненаден сум“, изјави Де ла Фуенте.
