Репрезентацијата на Велс ќе биде значително ослабена на натпреварот против Македонија во последното коло од квалификациите за Светското првенство.
Од комбинација за настап отпаднаа тројца фудбалери, меѓу кои и капитенот Бен Дејвис од Тотенхем. Освен него, повредени се и Бен Кабанго од Свонси и Кифер Мур од Рексам.
На нивно место, селекторот Крег Белами дополнително повика двајца играчи, напаѓачот Ајсак Дејвис од Кардиф Сити и Рид Норингтон-Дејвис, член на Шефилд Јунајтед, кој моментално настапува како позајмен фудбалер во Квинс Парк Ренџерс.
Инаку, Бен Дејвис ја носеше капитенската лента во отсуство на Арон Ремзи, кој е повреден и повеќе од една година не настапил за националниот тим.
