МАКФУДБАЛ ТРЕНЕР на колото: Бледи Шкемби

Струга Трим Лум оваа сезона повторно наликува на шампионски тим и се бори за врвот. Заслугата за тоа ја има Бледи Шкемби, кој пристигна и веднаш се зафати за реновирање на тимот. Задржа дел од костурот на тимот, но беа доведени и нови имиња, кои тој многу успешно и брзо ги вклопи во една целина.

Резултатот е очигледен, Струга ТЛ „меле“ во првенството и засега имаше само еден „кикс“, против Брера. Но, во 13.коло, Арсими не си помина добро крај езерото, прими четири гола, а можеше и уште неколку.

МАКФУДБАЛ го избра Бледи Шкемби за најдобар тренер во 13.коло од Првата фудбалска лига. Тој го предводи МАКФУДБАЛ ТИМОТ НА КОЛОТО.