Македонскиот прволигаш Работнички одлучи да ја прекине соработката со тренерот Алпарслан Ердем и неговиот асистент Бобан Бабунски. Откако не успеаја резултатски да го го подигнат тимот, дојде и разделбата.
„ФК Работнички ја прекина соработката со досегашниот шеф на стручниот штаб Алпарслан Ердем и тренерот Бобан Бабунски. Клубот им се заблагодарува за вредната и напорна работа и им посакува сѐ најдобро во иднина“, објави клубот на официјалните канали.
Работнички по 13 одиграни натпревари во Првата лига се наоѓа на претпоследната позиција со само седум освоени бодови.
