Македонскиот интернационалец Иван Тричковски продолжува да ги тероризира противничките голмани на Кипар. Тој го постигна својот осми гол оваа сезона и придонесе за нов триумф (1-2) на АЕК Ларнака на гости против Анортозис.
Тричко погоди од пенал во 35.минута, неговиот соиграч Дербишаер зголеми на 0-2 во 50.минута, а Анортозис постигна почесен гол исто така од пенал преку Кристодулопулос во судиското продолжение од дуелот.
По седум одиграни кола, АЕК Ларнака е првопласиран на табелата во првенството на Кипар, без пораз и 17 освоени бода.
