Oсман Дембеле беше пречекан со свирежи и навреди при пристигнувањето на ПСЖ во Барселона. Двата тима вечерва ќе го играат реванш натпреварот од четвртфиналето во Лигата на шампионите, откако првиот натпревар во Париз заврши со победа на Каталонците од 3-2.
Навивачите на Барселона се собраа пред хотелот во кој престојуваше тимот на ПСЖ во каталонската престолнина. Како што е познато, 26-годишниот крилен напаѓач минатото лето замина во Париз.
Ousmane Dembele arrived in Barcelona. 🚨 pic.twitter.com/t2F8Kqe4n7
— Barça Xtra (@XtraBarcaa) April 15, 2024
Токму Дембеле беше стрелец на еден од головите за ПСЖ на првиот натпревар, а не пропушти да го прослави и голот против неговиот поранешен тим. Ова очигледно не остана незабележано од навивачите на Барселона, а некои од нив го пресретнаа со навреди и свирежи.
Дембеле имаше облечено качулка и очигледно не обрнуваше внимание на извиците кон него.
Интересно, големата ѕвезда на парижаните, Килијан Мбапе, беше пречекан со овации, иако многу брзо се очекува да го објави својот трансфер во големиот ривал на Каталонците, Реал Мадрид.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski