Манчестер Јунајтед покажува интерес за 24-годишниот фудбалер за врска на Борусија Дортмунд, Феликс Нмеча, пренесува германскиот весник „Билд”.
Англискиот клуб е подготвен да плати околу 40 милиони фунти за фудбалерот. Прашањето е дали финалистот од последното издание на Лигата на шампионите би бил задоволен со ваква сума.
Нмеча, кој е во процес на закрепнување од повреда, веќе не чувствува болки, но следниот натпревар на Борусија Дортмунд – против Мајнц на 30 март, ќе дојде премногу брзо за да биде вклучен во игра.
Се очекува германскиот национал да се врати на терените во следните недели за натпреварите против Фрајбург, Барселона и Баерн Минхен.
