Ливерпул направи уште еден значаен чекор кон освојување на титулата во англиската Премиер – лига, откако во 33. коло триумфираше на гостувањето кај Лестер со минимални 0-1.
Избраниците на Арне Слот имаа иницијатива и целосна теренска надмоќ во текот на целиот натпревар, но долго време не успеваа да ја реализираат предноста. Клучниот момент се случи во 76. минута, кога Трент Александер-Арнолд со прецизен удар ја затресе мрежата на домаќините и го постави конечниот резултат.
Ливерпул беше убедливо подобар противник, а Лестер со овој пораз и дефинитивно испадна од елитата и следната сезона ќе игра во Чемпионшип.
Во следното коло Ливерпул го пречекува Тотенхем, а со евентуална победа ќе ја обезбеди шампионската титула четири кола пред крајот на сезоната.
