Интер забележа важна победа на гостувањето кај Пиза во 13. коло од Серија А.
Тимот на Кристијан Киву успеа да се врати по поразот од Милан во претходното коло, славеше со 0-2, и сега има 27 бодови, само еден помалку од лидерот Милан.
Интер беше подобриот и поконкретниот тим во првиот дел, но голови немаше. Првата сериозна шанса ја имаше Димарко од слободен удар, но голманот Скуфе добро интервенираше. Потоа Ачерби промаши одлична можност во 24. минута кога со глава шутираше покрај голот.
Три минути подоцна Лаутаро исто така беше непрецизен, а на спротивната страна Пиза возврати преку Пичинини, кој шутираше покрај голот.
Во 51. минута Мајстер упати опасен удар, но Зомер одлично одбрани. Пиза имаше иницијатива на стартот од вториот дел, но токму тогаш се случи нешто што домаќините најмалку го посакуваа.
Интер поведе во 70. минута. Зиелински повлече акција, ја проследи топката до Еспозито на левата страна, следеше ниско додавање во шеснаесетникот, а Лаутаро Мартинез одлично реагираше и погоди за 0-1.
Нзола се закани на другата страна, но Аканџи повторно беше на вистинско место да интервенира. Веднаш потоа стигна и вториот гол за Интер.
По корнер од левата страна, гостите ја задржаа топката околу шеснаесетникот, а Барела упати прецизен удар. На вистинско место повторно беше Лаутаро Мартинез, кој со лизгање ја смести топката во мрежата за конечни 0-2.
Ова беше само втор пораз за Пиза оваа сезона, а прв кој го претрпе на домашен терен.
