Македонија ЃП во 15. коло од ПМФЛ шампионатот, денеска гостува во Битола, каде што ќе се сретне со домаќинот Пелистер.
Во невообичаениот за македонски услови термин од 12:30 часот двата тима ќе се обидат да стигнат до бодовите кои што во моментов „живот значат“.
Превирањата на организациски план во Ѓорче Петров навидум се смирија и тимот ќе треба да се концентрира на основното, а тоа е освојување на бодови до крајот на првиот дел од сезоната.
„Искрено се надеваме дека тешкиот период за нас заврши и дека сега ќе можеме да се фокусираме на спортскиот дел. Добро знаеме со каков квалитет располага Пелистер, а наше е да одиграме максимално, сконцентрирано, а намерата е иста како и секогаш, атак на трите бода“ – изјави Христијан Пецов.
