Барселона го победи Алавес со 3-1 во 14. коло на Ла Лига и се искачи на врвот на табелата. Победата дојде на роденденот на клубот, што им даде дополнителна причина за радост на домашните навивачи.
Алавес поведе уште во првата минута преку Пабло Ибанез. Сепак, Барса брзо одговори – Ламин Јамал израмни на 1-1 само седум минути подоцна. Потоа Дани Олмо се разигра и со два погодоци ја донесе победата на својот тим: првиот во 26. минута за водство, а вториот во третата минута од судиското продолжение за конечни 3-1.
Каталонците сега имаат 34 бода, два повеќе од Реал Мадрид, кој утре гостува кај Џирона.
