Македонскиот интернационалец Давид Тошевски продолжува со одличните настапи во Белгија и повторно беше стрелец за својот тим Дендер, кој се обидува да побегне од опасната зона во најсилното белгиско првенство.
Тошевски ја затресе мрежата против Вестерло во 40.минута за водство од 1-0. На крајот неговиот тим на домашен терен одигра 2-2.
Во 40. минута, Македонецот доби топка во шеснаесетникот, ја искористи празнината во гостинската одбрана и со прецизен удар ја смести топката во долниот десен агол.
Ова е третиот гол за Тошевски во белгиската Јупилер Про Лига. Тој досега има пет настапи во првенството и еден во Купот на Белгија.
