Напаѓачот на Антверпен, Џорџ Иленикена, е во плановите на новиот шампион на Италија, Интер. 17-годишниот Французин со нигериски корени е наречен „новиот Виктор Осимен“. Неговиот договор со белгискиот клуб е до 2027 година, а неговата цена е 20 милиони евра.
Оваа сезона Џорџ Иленикена за Антверпен постигна осум гола на 33 натпревари.
Сепак, Алберт Гудмундсон од Џенова останува прв избор за нов напаѓач на Интер. Освен Иленикена, „нероаѕурите“ го следат и Антон Матковиќ од Осијек. 19-годишниот Хрват е проценет на 5 милиони евра и е споредуван со Марио Манџукиќ во неговата татковина.
