Тренерот на Аталанта, Џанпјеро Гасперини, го коментираше пласманот на неговиот тим во полуфиналето од Лига Европа. Тимот од Бергамо го постигна тоа по победата од 3-0 против Ливерпул на „Енфилд“ пред една недела и минималниот пораз во реваншот со 0-1.
„Многу сме среќни. Елиминиравме одличен тренер и одличен тим, имавме срце и прекрасна публика која ни помогна. Многу сме среќни и од утре ќе размислуваме за следните натпревари. Тоа беше малку френетична игра. Постојат различни начини за одбрана, или да се повлечеме или да ги туркаме високо, а ние ја избравме втората опција. Бевме физички силни и го задржавме темпото. Несомнено ни е важно да освоиме нешто, но трофејот е и да го видиме единството на овие момци“, изјави Гасперини.
„На полувремето ги прашав дали сакаат малку да се повлечат и да се бранат подлабоко, дали чувствуваат притисок, но тие рекоа апсолутно – не! Ова е трофеј за мене, оваа победа е како трофеј за Аталанта, бидејќи тие размислуваат како мене. Кога клуб како нашиот ќе успее да постигне резултати далеку од историјата на Аталанта и Бергамо, морам да го сметам за исклучителен за мојата кариера, за Бергамо и за сите“, потенцира Гасперини.
Во полуфиналето Италијанците ќе ги одмерат силите со тимот на Олимпик Марсеј, кој по продолженија и пенали ја елиминира Бенфика. Средбите ќе се играат на 2. и на 9. мај.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski