Еден од најдобрите напаѓачи на денешницата, Ерлинг Халанд, беше главна тема на разговор во летниот преоден рок. Одличниот напаѓач потпиша договор со Манчестер Сити во трансфер од 60 милиони евра, а на „граѓаните“ веќе почна да им се исплати.
Спортскиот директор на Борусија Дортмунд, Себастијан Кел, изјави дека продажбата на Халанд е добра работа и за Дортмунд и за Сити.
„Колку и да го ценевме, со се што направи за клубот дефинитивно стана товар, и за соблекувалната и за клубот. Во суштина сè се вртеше околу него. Токму поради оваа причина, дојде време да го продадеме, тоа беше добра работа за нас и за Сити. Тоа го потврдува и фактот што десет гола за нашиот клуб оваа сезона постигнаа десет различни стрелци“, изјави Кел.
Халанд го освои Купот на Германија во дресот на Борусија Дортмунд, а на 89 одиграни натпревари постигна 86 гола.
