Тренерот на Рома, Даниеле Де Роси, ја прокоментира големата победа на тимот со 2-1 против Милан, со која „волчицата“ се пласира во полуфиналето на Лига Европа. Тренерот, кој неодамна го презеде првиот тим, продолжува да прави чуда бидејќи ги пофали своите играчи за нивниот напредок.
„За да го победиме овој Милан ни требаа вештини. Кога останавме со десетмина, моравме да играме со интензитет, но со интелигенција и тактичко знаење. Само трчање не е доволно. Многу сум горд што тренирам таков тим. Не беше лесно бидејќи Милан е многу силен тим кој игра добар фудбал. Видовме дека дури ни Реал Мадрид не беше активен и се бранеше, го направивме и ние тоа кога беше вистинскиот момент“, изјави Де Роси.
Римјаните во полуфиналната фаза ќе играат против Баер Леверкузен во реприза на пресметката од истата фаза на турнирот од минатата сезона, кога Рома стигна до успех.
„Можеби сакаат да се одмаздат за минатата година кога ги победивме. Ќе видиме што ќе се случи, но очигледно не нѐ сметаат за фаворити. Можеби некој го очекуваше Милан во полуфиналето од Лига Европа. Имам голема почит кон Чаби Алонсо уште кога беше играч“, додаде Де Роси.
