Каталонскиот гигант се подготвува за животот без Меси. Од „Камп Ноу“ се отстрануваат постерите од досегашната главна ѕвезда на Барселона и еден од најдобрите светски фудбалери.
Раководството на Барселона не успеа да го задржи Лео Меси откако доби забрана од Ла Лига да го реагистрира Аргентинецот за новата сезона поради преголемата задолженост и оптоварување на буџетот за плати во тимот. Барселона не продаде дел од фудбалерите за да обезбеди простор во буџетот за верификување на новиот договор на Аргентинецот.
Тоа го искористи Пари Сем Жермен и се договори за двегодишна соработка. Во моментот, Меси со семејството патува кон Париз, а на „Камп Ноу“ се отстрануваат постерите со неговиот лик.
