Германскиот првак Баерн Минхен оствари убедлив триумф (5-0) против Фрајбург и се искачи на второто место на табелата во Бундес-лигата со 19 бода, четири помалку од лидерот Унион Берлин. Тимот на Џулијан Нагелсман беше без неколку првотимци, но, сепак, тоа воопшто не се почувствува.
Серж Гнабри донесе водство, а го удвои Чупо Мотинг во првиот дел.
Во второто полувреме Лирој Сане зголеми на 3-0, потоа следеше голот на Садио Мане, а серијата ја затвори Сабицер.
