Тренерот на Борусија Дортмунд, Един Терзиќ, вели дека јасна цел на тимот е да ја искористи предност на домашниот терен против Пари Сен Жермен во првиот натпревар од полуфиналната пресметка во Лигата на шампионите. Реваншот ќе се игра во Париз на 7 мај.
„Наша јасна цел е да искористиме предноста на домашниот терен. Мораме да работиме напорно 180 минути за да го исполниме нашиот голем сон. Во моментов, се чини дека Пари Сен Жермен е во најдобра форма и има само еден пораз во 2024 година. Направија добри резултати, а ние ќе треба да прикажеме врвно издание за да славиме во Дортмунд“, изјави Терзиќ.
„Не сме задоволни од натпреварот кој го одигравме во Париз во групната фаза. Не создадовме многу шанси за гол. Дефинитивно тоа што го направивме не беше доволно. Во вториот натпревар ситуацијата беше сосема поинаква. Ја научивме лекцијата, самоуверени сме и мислиме да го покажеме тоа вечерва и следната недела во Париз“, истакна тренерот на Борусија Дортмунд.
Марсел Сабицер се опорави од болеста која ја имаше минатите денови, а на вчерашниот тренинг тестот го мина и Дониел Мален.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski