За голманот на Милан, Мајк Мањан, постои голем интерес. Тој брани одлично на почетокот на оваа сезона и дополнително влезе во фокусот на европските гиганти.
Челси и Пари Сен Жермен се клубовите би сакале да го видат во своите редови.
Сепак, раководството на Милан реши да му понуди нов договор на Французинот и да им даде до знаење на сите дека тој не е на продажба.
Мањан во летото 2021 година дојде на „Сан Сиро“ од Лил за само 15 милиони евра. Неговата моментална вредност е околу 45 милиони евра, но нема сомнеж дека клубовите би платиле повеќе само да го добијат неговиот потпис.
