Српскиот репрезентативец Душан Влаховиќ остана во Торино и со тимот на Јувентус не отиде во Бергамо на мечот со Аталанта кој заврши без голови.
Како што изјави тренерот на „старата дама“ Масимилијано Алегри, напаѓачот има проблеми со грбот поради што не можел да тренира пред натпреварот.
„Влаховиќ има проблем со грбот, не тренираше. Мораме да го оставиме да се одмори“, изјави Алегри.
Меѓутоа, италијанските медиуми пишуваат поинаку. Италијанците наведуваат дека повторно станува збор за повреда на препоните.
