Аргентинскиот стручњак Маурисио Покетино одбил да ја преземе Ница, пренесуваат француските медиуми.
По отказот во Пари Сен Жермен, Покетино доби можност да остане во Франција и да ја преземе Ница, која минатата сезона успешно ја водеше неговиот наследник во главниот град Кристоф Галтие. Сепак, тој барем за некое време не сака нов предизвик.
Паузирањето цела сезона е нешто што е на повидок, освен ако не дојде понуда што не може да се одбие, а оваа од Ница веројатно не е таква.
Клубот од Азурниот брег ќе мора да се сврти кон други решенија бидејќи романсата со Лусиен Фавр овојпат не е успешна како минатата година. Тој е критикуван за одредени изјави, но најмногу за формата и хемијата на тимот. Од друга страна, во своја одбрана, Фавр го наведува неговото неангажирањето на квалитетни нови имиња и доаѓањето на неколку од нив при крајот на преодниот рок.
Ница моментално е на 13. место во француската Лига 1 со само пет дадени гола и девет примени.
