Францускиот интернационалец Пол Погба би можел да го пропушти Светското првенство во Катар поради повредата на менискусот, открива „Газета дело Спорт“. Првичните прогнози околу повредата беа многу пооптимистички, но сега се верува дека Погба ќе мора да замине на операција која ќе се изврши во Лос Анџелес.
По ова, Погба ќе мора да мине низ рехабилитациски процес од два месеци, па дури потоа да почне со тренинзи. Не е јасно дали ќе биде подготвен за настап на Светското првенство во Катар.
Јувентус веќе бара ново решение за средниот ред и почна преговори со ПСЖ за ангажман на Леандро Паредес.
