Колумбискиот репрезентативец Сантијаго Аријас заработи тешка скрешница на ногата на мечот против Венецуела. Сите присутни на стадинот останаа во шок од повредата која ја заработи дефанзивецот на Атлетико Мадрид, а која за жал си ја нанесе сам по еден неприроден старт.
Во обид да му ја одземе топката на Дарвин Мачис од Венецуела, Сантијаго Аријас со стапалото се закопа во земјата, при што се здоби со скршеница на тибијата. Хорорна беше глетката, натпреварот беше во прекин десетина минути, а неговите соиграчи се фаќаа за глава.
