Микел Ојзарзабал беше стрелец на победничкиот гол за Шпанија во триумфот од 1-0 над Швајцарија во Мадрид, во Лигата на нации. „Црвената фурија“ со 7 бода се наоѓа на врвот на табелата во групата 4 од Лигата А.
Германија по две ремија во низа дојде до првата победа на гостувањето во Киев, совладувајќи ја Украина со 1-2. Матијас Гинтер во 20.минута донесе предност за „панцирите“, Леон Горецка на почетокот на второто полувреме зголеми на 0-2, а Украина постигна почесен гол преку Малиновски од пенал. Германците имаат пет бода по три одиграни кола.
