Низ целосна доминација како играчки така и резултатски, Вардар славеше убедлив триумф над последнопласираниот тим на Шкупи со 6-1, и го задржа првото место на табелата во ПМФЛ. Екипата на Шкупи одолеваше 36 минути, а потоа откако „црвено-црните“ го постигнаа првиот гол, веднаш дојде и вториот, за на крајот триумфот да биде убедлив.
Голманот на гостите Гроте успеа да ги одбрани ударите на Босанчиќ, на Закариќ, па потоа и на Сенгор и на Јанкулов и така да не дозволи рано водство за Вардар.
Меѓутоа во 36. минута не можеше да интервенира откако Закариќ упати удар од 23-24 метри, а притоа топката зафати некој од играчите на гостите, и го смени правецот. Веќе во следната минута истиот играч носи 2-0 за Вардар. По центаршутот на Маневски, Закариќ успеа да се снајде во шеснаесетникот и да донесе двојна предност за избраниците на Гоце Седлоски.
Само што почна вториот дел, по асистенција на Јанкулов, Талевски успеа да го совлада Гроте за предност од 3-0. Азар Омерагиќ во 57. минута немаше тешка задача да донесе 4-0 за Вардар, по „карамболот“ во петерецот на гостите.
Шкупи намали во 71. минута по грешката на голманот Талески. Една долга топка упатена на половината на Вардар, Талески сакаше да интервенира, но ја промаши топката, а таа стигна до Станковски и да спроведе во празната мрежа.
Но, овој гол не ги демотивираше вардарци да дојдат до поубедлив триумф. Омерагиќ во 79. минута го постигна вториот гол, откако по добиена топка од Јанкулов, од прва од 13-14 метри го совлада Гроте.
Омерагиќ во 84. минута го комплетираше „хет-трикот“ откако успеа да погоди во голот на Шкупи од десната страна, и со тоа го постави конечниот резултат.
-
МАКФУДБАЛ ТИМ НА КОЛОТО ВО ПРВАТА ЛИГА
Арсими го направи изненадувањето на колото со убедливиот триумф од 3-0 против Шкендија. Иако...
Автор makfudbal
-
МАКФУДБАЛ ТРЕНЕР НА КОЛОТО: Вилдан Салиу
Арсими е изненадувањето на 14.коло во Првата лига. Одигра блескав натпревар против шампионот Шкендија,...
Автор makfudbal
Евро-фудбал
Лаутаро Мартинез донесе победа за Интер (ВИДЕО)
Прва лига
Струга ТЛ го декласира Башкими
Евро-фудбал
Минамино го тресна ПСЖ (ВИДЕО)













