Атлетико Мадрид претрпе болен пораз од Барселона (2-4) и покрај тоа што имаше сигурна предност од 2-0. Во дербито на колото во Ла Лига, избраниците на Диего Симеоне не успеаја да ја задржат својата предност против Барселона, која со спектакуларен пресврт дојде до триумф од 2-4.
Овој пораз е втор тежок удар за мадридскиот тим во само неколку дена, по елиминацијата од Лигата на шампионите од градскиот ривал Реал Мадрид по изведување пенали.
Атлетико поведе со головите на Алварез и Сорлот, а со оглед на тоа што екипата на Симеоне ретко испушта ваква предност, изгледаше дека се на пат кон победа. Но, Барселона одговори со неверојатна серија – Левандовски и Торес за само шест минути донесоа израмнување (2-2), а пресвртот го комплетираше Јамал со погодок во судиското продолжение. Во финишот, Феран Торес со својот втор гол го постави конечниот резултат, 2-4.
Со оваа победа, Барселона се врати на врвот на табелата со ист број бодови како Реал Мадрид, но и еден одигран меч помалку, додека Атлетико останува на третата позиција со четири бода заостанување.
