Фудбалската репрезентација на Македонија се подготвува за вториот пријателски натпревар од овој јунски мини – циклус. Противниците за подготвуваат за ЕВРО 2024, а нашиот национален тим ги тестира моменталните можности. На 10 јуни, Македонија ќе игра против Чешка во Храдец Кралове.
Против Хрватска, при поразот од 3-0 во Ријека, се појавија многу слабости во играта.
„Го анализиравме натпреварот со Хрватска, ги воочивме грешките, имаме неколку дена за подготовка за мечот против Чешка и се надевам дека ќе влеземе со многу поголема самодоверба. Ни треба поголем фокус во одредени ситуации, да бидеме сто проценти сконцентрирани на тактиката која што ќе ни ја даде селекторот и секој фудбалер да одработи максимално”, вели Ѓоко Зајков.
„Свесни сме и дека има фудбалери кои имаат проблеми со клупската минутажа и тоа секако се рефлектира и на игрите во националниот тим“, истакна дефанзивецот.
