Силекс пред истекот на преодниот рок донесе уште неколку засилувања во својот состав, со кои ќе се обиде да ја зацврсти екипата за тековната сезона.
Прво име е 20-годишниот Лука Јакимовски, кој доаѓа од Вардарски и ќе ја засили десната бековска позиција. Тој е фудбалер израснат во школата на Вардар.
Од Вардар Неготино пристигна 22-годишниот Кристијан Ѓорѓиевски, кој ќе ја брани мрежата на тимот како нов голман.
Средниот ред ќе добие свежина со 24-годишниот Стојче Стојов, кој доаѓа од Осогово.
Последното засилување е 25-годишниот Зоран Андонов од Брера Струмица – играч со флексибилност, способен да ги покрие страничните позиции и во одбраната и во нападот.
