Напаѓачот на Манчестер Сити, Омар Мармуш, заработи повреда на коленото за време на светските квалификации на Египет против Буркина Фасо.
26-годишниот фудбалер беше принудно заменет уште во деветтата минута од натпреварот, кој заврши без голови. Мармуш се повреди по дуел во четвртата минута. Првично се обиде да продолжи да игра откако му беше укажана медицинска помош на теренот, но на крајот мораше да биде заменет.
Повредата на лигаментите на коленото на Мармуш наводно не е премногу сериозна, но доаѓа во мошне неподготвен момент за Манчестер Сити, кој во недела ќе се соочи со Манчестер Јунајтед во дербито од Премиер – лигата. Фудбалерот, кој во петокот постигна гол при победата на Египет со 2-0 над Етиопија, ќе помине детални прегледи пред важниот натпревар.
