Работнички го доведе и Белул Елмазоски

Работнички на истекот на преодниот рок се засили со двајца офанзивни фудбалери. После Димитар Трајков, кој дојде на позајмица, ново име во составот е 21-годишниот крилен напаѓач Белул Елмазоски, кој доаѓа од редовите на Шкупи.

Елмазоски е роден во Италија и поминал низ повеќе академии и клубови во пониските италијански лиги, пред во јануари 2025 година да пристигне во Македонија и да го облече дресот на чаирскиот тим. Неговото семејно потекло е од Струга.