Тренерот на Торино, Иван Јуриќ, и спортскиот директор Давиде Вањати за малку ќе се степале на подготовките во Австрија. Тренерот Јуриќ бил бесен бидејќи клубот не му ги донел играчите кои тој ги посакувал, а видео од пресметката се појави на „Фудбал Италија“.
На видеото јасно се гледа како Вањати му вика на Јуриќ и се обидува физички да го нападне.
Поголем инцидент спречил член на стручниот штаб, за кој се верува дека е Марко Пелегри, таткото на играчот на Торино, Пјетро.
Вањати му викал на Јуриќ: „Не ми го кревај гласот, немаш почит. Јас те бранам од сите. Јас го организирам тимот“.
