Фудбалската репрезентација на Македонија вечерва (20.45 часот) го пречекува Велс во второто коло од квалификациите за СП 2026. Се очекуваат преполни трибини, со оглед дека целиот приход по иницијативата на ФФМ ќе биде дониран во хуманитарни цели, како помош за семејствата на настраданите во огромната трагедија во Кочани.
Велшаните исто така имаа победнички старт на квалификациите, го победија Казахстан со 3-1 на домашен терен.
На интересен начин тие имаа и подготовка во текот на денешниот ден. Имаа прошетка на плоштадот во Скопје, гледајќи ги убавините на Скопје. Се фотографираа и кај споменикот на Александар Македонски.
