Тиквеш почна со подготовки и објави три засилувања: Стевковски, Ацковски и Илиевски

Македонскиот прволигаш Тиквеш денеска ги почна подготовките за новата сезона. Со нови ко-сопственици од Германија, кои ќе го водат клубот заедно со Општина Кавадарци, амбициите за новиот шампионат се поголеми.

Тиквеш ги претстави и трите нови засилувања, кои се приклучија уште од стартот на подготовките.

Христијан Стевковски ќе ја засили голманската позиција, Кристијан Ацковски е засилување во средниот ред, а Дарко Илиевски треба да донесе дополнителен квалитет и искуство во одбраната.