Aтмосферата пред финалето на Лигата на шампионите во Минхен беше релативно мирна и без сериозни инциденти, но, сепак не помина целосно без проблеми. Неколку часа пред првиот судиски свиреж, навивачите на Пари Сен Жермен и Интер влегоа во физички пресметки во метрото на Минхен, што предизвика доцнење на сообраќајот на две линии.
Според извештаите на „Л’Екип“ и „Билд“, имало неколку повредени навивачи на парижаните, а полицијата морала да интервенира со употреба на солзавец за да го врати редот. Засега нема информации за потешки повреди, но инцидентот предизвикал сериозен безбедносен ризик.
Во меѓувреме, дел од најстраствените поддржувачи, ултрасите на двата тима, веќе се позиционирани на трибините на „Алијанц Арена“, каде што се очекува жешка навивачка атмосфера за големото финале. Минхенските власти и организаторите остануваат во состојба на зголемена готовност пред и за време на натпреварот.
